Fennastølane - Byrseteggi - Såta - Fennastølane, 6. oktober

7 personar og ein hund deltok på denne turen, den siste søndagsturen i 2019.  

Det var tett tåke då me køyrde frå Vangen, men me hadde ikkje køyrt langt før me opplevde klar himmel og sol. 

Me gjekk i roleg tempo, og tok fyrste utsiktspausen ved Svartadiket. Der såg me Raundalsryggen, Krakalii m.m. Turen gjekk så til toppen av Byrseteggi (1025m.o.h.) Flott terreng, klar luft og fantastisk utsikt i alle retningar. Her såg me fjella rundt Voss, såg like til Jostedalsbreen, Fresvikbreen, Syrdalsbreen (?) og Folgefonna. 

Me tok oss gode pausar i finværet, både matpausar og utsiktspausar. Me hadde og med oss biolg, så det vart litt plantekunnskap på kjøpet. 

Alle ynskte bortom Såta (933m.o.h.) på tilbakevegen. Der er det flott utsikt over Vangen, områda rundt m.m. 

Takk til alle som var med på tur! Ein ekstra takk til Siri Flatlandsmo, ny dagelg leiar i Voss Utferdslag, som og var med oss på turen! 

Kari Johanna Soldal 

Lågterskeltur til Røyrlidi, 5. oktober 2019

Voss Sogelag og Voss Utferdslag hadde lågterskel tur til Røyrlidi. 23 personar som tok turen opp til Røyrlidi denne fine haustdagen, til dei seks bygningane på garden.

Erling Røyrlien fortalde om garden frå 1900, fram til idag. Me fekk omvising i den gamle smia som tidlegare hadde stått inntil huset på garden. Me var i løa og her fekk sjå mykje gamle bruksgjenstandar, ei flott slede, river med tretindar, og mykje anna fint. Me var også inne og fekk sjå i bustadhuset. Etterpå fekk me servert lappar og kaffii.

Me takkar Erling og Brita med familien for ein trivelig dag i Røyrlidi.

Sjå fleire foto på Facebook her

Jonstølen - Fjellsetedalen, 2. oktober 2019

Frå Jonsstølen var det litt stigning til Fjellsetevatni. Me gjekk vidare i småkuppert terreng, brattare opp til Strandaleitet 960 moh.. Utsikt mot Brandset og dalen med store fjellparti nordaust. 

Det meste av turen gjekk på sti, til saman 10 kilometer. Samla stigning er 250 høgdemeter. 

Foto: Geir Henrik Styve

Raudberg - Lauvdalen, 25. september 2019

20 personar starta ut på turen til Raudberg frå Lauvdalen i sol. Trass i litt kald vind i skuggen vart det ein behageleg tur i sola. Fjellet er i full gang med å skifte fargar og det oppleves som sjelebot å få slike dagar i sola.

På turen traff me ein heil klasse frå Voss vidaregåande skule, villmarkslinja, som var på tur til fjells. På tur og på reinsdyrjakt. Me lurar på om dei fann den flotte bukken me fekk sjå på turen attende.  

Tekst: Geir Henrik Styve / Sverre Kvitne
Foto: Geir Henrik Styve.

Herdabreida 22. september 2019

Skodda låg tjukk over Vangsvatnet, men me visste kva som venta høgare oppe. Denne fantastiske dagen var det 20 stk som ville på tur. Nesten ingen av deltakarane hadde vore på Herdabreida før. Me køyrde i privatbilar til Rongastova, og starta turen på grusveg. Vel framme ved Grungavatnet var det tid for ein liten pause med avkledning og påfyll av drikke. Så starta eit litt bratt parti opp Araberget, kanskje litt bratt meinte nokre. Men alle kom opp. Det var ikkje lenge før me var over tregrensa og utsikten vart bedre og bedre for kvar høgdemeter. Det eine fjellet etter det andre dukka opp i horisonten. Heile ruta var godt varda, så me reknar med at mange tek nok turen igjen ved eit seinare høve. Vel framme på toppen vart nista inntatt med ikkje mindre enn 4 brear i horisonten: Folgefonna, Hardangerjøkulen, Fresvikbreen og Jostedalsbreen. Kor mange toppar me såg har me ikkje tal på, men Hårteigen trona imot oss og Hardangerfjorden glinsa i haustsola. Raundalsryggen, Vassfjøra, Oksen, Ingebjørgfjellet og Midtfjell var nokre av toppane rundt oss. Ein ting er sikkert og det er at denne dagen skulle me hatt auger i nakken også. Me kan ikkje sei anna enn at turen var ein suksess. Helsing Nancy Nummedal Bolstad og Kristi Haugsgjerd

Fleire bilete her ​​​​​​​

Veskre-Tinden 18. september 2019

Det vart ein fin tur på «seniorane» onsdag. Det var kome ein del snø i fjellet dagane før turen, og lufttemperaturen hadde sige mot 0°C. Men veret forandrar seg fort i desse dagar. Onsdag morgon var det lett-skya, med blå himmel. Fleire vart nok freista å ta fram fjellskoa, sekk med mat og drikke.

Til klokka var ti møtte det 20 personer som ville til fjells. Med Veskrestølen som utgangspunkt, gjekk turen vidare til Hanselavatnet. Det er sælebot å kome seg ut i frisk luft i fjellet. At me kan bruka føtene å koma seg fram i den flotte naturen me har, er ikkje noko som er sjølvsagt. Me fylgde stølsvegen mot Helgaset, og ved Brøpitlaleite tok me til venstre og tok sikte mot Tinden. Kosestunda ved toppvarden (982m) vart ikkje slik me hadde håpa på. Den kalde nordavinden minna oss på at vinteren er kjømda.

Etter ein kort pause med påfyll av mat og drikke, tok me fatt på heimvegen på høgdedraget mot Hanselavatnet. Ein liten stopp på kanten før nedstigninga til Hanselavetnet for å nyte den flotte naturen rundt oss. Eit lite rypekull flaug ut, me var ikkje åleine! Nede ved vatnet og etter nokre våte myrområde var me no komne inn att på stølsvegen mot Veskre, og fylgde denne tilbake til bilane. Ei flott oppleving, og for fleire eit nytt turterreng, noko som dei blide andleta kunne tyda på. Takk for turen til alle som var med!

Helsing turleiarane

Tekst: Bjørn Grande
Foto: Geir Henrik Styve

Sjå fleire foto her (Facebook).

Brennevinsteinane 11. september 2019

15 spreke seniorer ut på onsdagstur i regnvær! På grunn av svært dårlige værmeldinger i fjellet vart turen lagt om. Vi gjekk til Gjellestølen og Brennevinsteinane, der fleire fekk registrert seg med fullført stølstur😂. Det er ein lett tur på ca 6 km. 3 timar med ein god pause ved Brennevinsteinane. ( såg ikkje at nokon drakk noko sterkare en kaffi eller Te)

Turleiarane: Alf kissner og Tove Jakobsen takkar for  turen. Fleire foto her

Dronningstien 8. september 2019

Vêrmeldinga lova godt for ein tur på Dronningstien frå Kinsarvik til Lofthus 8.sept. 2019, og påmeldingane tikka inn jamt og trutt rett før fristen gjekk ut, og i tillegg kom det nokre etternølarar. Det var flest vossingar, men og bergensarar og to som kom heilt frå Porsgrunn og Skien for å gå denne mykje omtala turen. Totalt vart me 45 inklusiv turleiarane. Me køyrde privatbilar frå Voss kl. 08.30. Passasjerane vart sette av ved bompengekassa på veg til Røte medan sjåførane køyrde til Lofthus og parkerte bilane på kaia. Ullensvang taxi frakta sjåførane tilbake til Røte (200 moh)der alle starta i samla flokk, ca. kl. 10.20. Me gjekk på skogsveg 4,5 km oppover til Heng (750 moh) der den blåmerka Dronningstien starta. Underlaget var stort sett godt å gå på, men nokre blaute parti. Veret var strålande og utsikten fantastisk, så me tok oss god tid, la inn mange små pausar og tok mange bilete i tillegg til to lengre matpausar. Stien gjekk fleire stader nær kanten av fjellet slik at ein kunne sjå ned mot Lofthus og Lutro og innover fjorden mot Odda. På andre sida av fjorden såg ein mot Folgefonna, Hauso, og Grimo. Me hadde og utsikt mot Hardangerbrua, Eidfjord og Husedalen. Me passerte fleire små vatn og stoppa ved Duk (1100 moh) der det står ein stor steinvarde. Vidare gjekk med ein avstikkar til Rjukande der elva fossar forbi i ein smal kløft før ho kastar seg utfor fjellkanten. Så var me klar for nedstigninga, vekk frå Hardangervidda, forbi landemerket Nosi (905 moh) og ned Munketrappene (616 trinn) som vart laga av lokale munkar frå år 1210 – 1537. Til sist delte me gruppa, så nokon gjekk skogsvegen og resten gjekk den T-merka stien gjennom skogen og eplehagane ned til Lofthus. Me gjekk i ca. 7 timar og var turen var ca 16 km lang. Turdeltakarane var svært nøgde, og det var ingen problem undervegs. Turleiarane Lars og Anne-Grete Haugen. Foto: Reidun Tveito 

Fleire foto her

Horgadalen 7. september 2019

På laurdag var eg så heldig å få vere med på ein tur som Utferdslaget berre har hatt ein gong før: Opp på Lønahorgi via Horgadalen. Vi starta turen på Een, og vi gjekk fyrst opp på Svartaberget på godt merka sti. Då vi kom opp dit då letta tåka, og vi fekk eit flott utsyn nedenover Skulestadmo og over Vossafjell. No var vi heilt inn under berget, og her var det vanskeleg å forestille seg kor ein skulle gå. Då er det viktig å ha lokalkjende turleiarar, og vi var så heldige at brørne Stein Bjarte og Arild Een leia turen. Her har dei vore mykje i oppveksten, og her er dei godt kjende. Dei losa oss trygt opp over fjellhyller, gjennom skar, rundt ein foss, etc, og alle 12 kom seg trygt opp på Lønahorgi. Då var 1300 høgdemeter unnagjort, og vi byrja å kjenne det i leggar og lår. Returen gjekk bratt ned att til Een via Klondyke. Mange følte meistring denne dagen, og stemninga var høg då vi kom ned att til bilane. Takk for ein uturleg flott tur!! Tekst Bodil Atterås Foto Stein Bjarte Een

Storåsen 04. september 2019

Etter planen skulle turen gå til Granvin, men denne vart avlyst grunna dårleg vær.

Det vart alternativt tur i Storåsen for dei 8 frammøtte. Vi starta ved Gulleikstræet og gjekk forbi Håmyrane og vidare til Skjedikane der  vi tok matpause under tak. Vidare gjekk vi forbi den flotte utebarnehagen og attende til bilane. Veldig vått i marka og mykje regn  men alle var vel nøgde med turen.

Foto: Tove Fadnes

Klatrekveld med DNT ung Voss 28.august 2019

7 klatrarar tok turen til Staup på kveldsklatring og utforska det nye flotte klatrefeltet.

Vikafjellet 28. august 2019

I frisk vind , og med flott temperatur la 23 glade vandrarar iveg frå inste demningen ved Store Muravatn. MÅlet var Øvste og Nedste Vollafjellet , to stølsområde som høyrer til gardar frå Vik. Annleggsvegen innover til Store Muravatn går på tvers midt i den store demningen . Vi blei alle veldig imponert over kor flott anlegget var laga då det blei bygt for ca 50 år sidan. Etter det har det blitt oppgradert med 13 meter tjukke murer på kvar side. Me hadde også med oss ein av dei som hadde jobba på anlegget i si tid, så her fekk vi god «innside» informasjon.
Sjølve gåturen var ikkje så lang denne gongen, og berre ein av turdeltakarane hadde vore i dette flotte området før ! Her er det mogeleg med mange fine turar. Valaflellet, Fyrjanipa, Kvanndalen og området innover mot Tverrgavlane og Blåfjell ligg der som innbydande fjellparti. For ikkje å snakka om dette flotte store vatnet,med samla magasinkapasitet på 13,5 mill.kbm. Her kan ein fiske, bade og gå på tur.
Dei gamle stølane under Vollafjellet var og verkeleg eit besøk verdt! Mange hus som var tatt godt vare på. Det eldste steinhuset hadde inskripsjon 1821 hogd i ei steinhelle. Her var lambahus, florar og sel. Vegen vi gjekk var ein del av buførevegen frå Vik og til Berdalen i Jordalen. Det kan bli ein heildagstur seinare! Fleire bilete her 
Turleiar / tekst : Bente Daltveit

Dyrvedalen - Volahytta 25.08.2019

Turen frå Dyrvedalen til Volakroken (Voladammen) om Volahytta har vore på programmet til Utferdslaget tidlegare, man er blitt avlyst. Difor var det knytt litt spenning til om me skulle lukkast i år. Påmeldinga gjekk trått utover i veka, men fredag kveld tikka det inn med meldingar og telefonar frå mange som ville vera med. Då me starta frå Vangen klokka 09.00 i minibussar var me 30 glade vandrarar. Sjølve fotturen starta 450 meter over havet frå skogsvegen vest for Giljarhus. Frå slutten av skogsvegen og til me kom over skoggrensa var det litt bløtt i terrenget etter ein del nedbør den seinare tida. I dette området av Voss er skoggrensa svært låg så me kom raskt opp i eit ope og flott landskap med god utsikt over delar av Dyrvedalen og Vangsvatnet. På turen vidare oppover passerte me stølen Tunnaset (760 moh) og første matpausen var på Sledavaren (1120moh). Då var klokka blitt 11.30. Igjen flott utsikt blant anna til stølane Tvarafjellet og Kviting. Fint turver – lett overskya og god temperatur. Frå skoggrensa og opp mot Volafjellet var det lett å gå på «grønt underlag». Over sjølve Volafjellet (høgste punktet ca 1300 moh) er det nakne berg og steinar. Her ber landskapet preg av mykje snø og is opp gjennom åra, men i år er det lite å sjå av det slaget. Etter å ha kome over Volafjellet openberra det seg eit storslagent syn – Store Volavatnet, Nedsta Piksvatnet, Gygrabruni, Vidvangane, Lønahorgi, Kvitanosi med fleire. No var me komne over på «grønt underlag» og turen gjekk raskt nedover til Volastølen (ca 1000 moh). Dalen med Vetle Volavatnet og Volastølen er vakker og difor var siste matpausen på Volastølen. Frå Volastølen til Volahytta gjekk me på om lag ein time. Her er fin sti å gå på. Siste stoppen var på Volahytta. Klokka 17.30 sette me oss i minibussane i Volakroken. På den siste delen av turen hadde med sol. Turen frå Dyrvedalen til Volahytta er ca 15 kilometer. Det var mange som hadde sett fram til å gå denne turen og det var berre gode tilbakemeldingar. Fleire bilete her ​​​​​​​

Turleiarar Kristian Østrem og Olav Soggnæs

Jotunheimen 23. - 25. august 2019

Dei siste åra har Utferdslaget arrangert tur til Jotunheimen siste helga i august, og slik vart det i år óg. Denne gongen gjekk turen til Valdresflye, og laurdagen skulle vi «toppe» heile 6 toppar over 2000 meter på Kalvehøgdeplatået. Vêrmeldingane var litt ymse på føremiddagen, men det skulle bli lettare utover dagen. Lite regn og lite tåke, stod det på Yr. Vi la optimistisk i veg opp mot fyrste toppen, Mugna. Allereie her starta utfordringane, for då vi kom opp på platået på 2000 høgdemeter, var tåka tjukk og vi gjekk i snø. Heldige var vi at tåka letta slik at vi kunne gå vidare til Austre Kalvehøgde. Her er utsynet ned i Leirungsbrean spektakulær. Dette vart dagens høgdepunkt. Her bestemte vi oss for at vi ikkje kunne fullføre turen som planlagt; 2 toppar måtte droppast. Etter kvart vart tåka så tett at vi måtte sette kompasskurs for å finne fram. Og vi kom oss vidare på både Rasletinden og Østre Rasletinden. Totalt vart det ein lang tur med krevjande forhald, men eg trur alle følte meistring då vi kom ned att til bilen. 12 timar på tur i Jotun(tåke)heimen. Dagen etter var det via ferrata. For ein opptur!! 400 meter rett opp, sol, eit utruleg utsyn over innsjøane Vinstre og Bygdin, glade og smilande deltakarar, høg stemning, stor meistring. Ja, mange var så ivrige at dei ikkje kunne gi seg der, dei måtte ta med seg Bitihorn i tillegg – sjølv om den ikkje stod på programmet. Takk for ei super helg!! Tekst: Bodil Atterås Foto: Kristi Haugsgjerd og Idun Nytrøen

Klatrekveld med DNT ung Voss 21.august 2019

7 klatrarar tok turen til Staup på kveldsklatring og utforska det nye flotte klatrefeltet.

Skjerveggi - Taugafjellet 21. august 2019

Fleire bilete her ​​​​​​​

Storeflåtten 18.august 2019

Med svært skiftande vêrmelinger dei siste dagane var det spanande å sjå om det vart tur i det heile tatt. På fredagen endra dei meldingane til brukbart, og 10 personar såg sjansen til å få med seg ein spesiell tur som ikkje er så enkel å få til sjølv. Slik var vi 12 personar (inkl 2 turleiarar) som gjekk på Storeflåtten denne dagen. Vi starta på skogsveg, men vi gjekk fort over på sti med høgt og vått gras. Etter kvart kom vi opp på svaberg, og det vart lett å gå. Oppe ved vakre Vatnasete tok vi ein matpause, og då kom sola fram. Den fulgte oss heilt til toppen av Storeflåtten. Her oppe var utsikten upåklageleg. Vi såg brear, fjord og fjell. Kjente og kjære fjell, og ukjente og spanande fjell. Vi kryssa platået i lettgått terreng. Etter kvart dreia vi ned mot Fagradal, og då fekk vi både litt regn og litt tåke. Det var sleipt å gå ned Tveismedalen, og dalen var lang og bratt. Vi var alle einige om at det er lettare å gå 1600 høgdemeter opp enn 1600 høgdemeter ned. Men, med upåklageleg utsikt, mykje bra vêr, og synet av ein elg som sprang elegant bortover ved foten av Storeflåtten, så vart dette ein maks dag. Takk for turen! Fleire bilete her.

Turleiarar Audun Hellevang og Bodil Atterås

Nesheimshorgi 18.august 2019

Fin sundagstur i går. Den gjekk frå Høgda i Granvin over Nesheimshorgi til Bulko. 16 spreke turgåarar var med. Fint turver utan ein einaste regndråpe, men litt kald trekk på toppen så me laut ta matpausen då me kom i le nedunder toppen. Alle gjenomførde turen fint, og utan at me hadde negative hendelsar av noko slag. Turleiarar Bjørn Knapstad / Astrid Såkvitne 

Fleire bilete her

Stigen - Beitelen 11. august 2019

17 stk var med på turen i det storslåtte landskapet til Stigen og Beitelen sundag. Kjentmann Edvin Flåm fortalde om naturen omkring og stadane med historisk tilbakeblikk. Turleiarar Svein– Jarl Hansen og Edvin Flåm. Fleire bilete her ​​​​​​​

Vassfjøra 04.august 2019

Fleire bilete her

Listre – Hodn – Fangdalsfjellet 14.07.2019

Me var 7 som starta turen frå Tverrlii. Me gjekk opp til stølen Listre, her tok me ein god pause. Me gjekk vidare opp til toppen med tett skodde, med gode pauser på vegen. Skodda letta under matpausen ved toppen, og utsikta frå toppen vart bedre og bedre. Turen gjekk vidare mot Fangdalsfjellet (Grønehaugen). Hervar det god utsikt mot Raudberg og ned i Fangdalen. Me gjekk vidare til Ivars`bu, her vart det ein god pause. Turen gjekk vidare nedatt til stølen Listre. Her tok me siste pause før me gjekk ned att til bilane. Meir bilete

Turleiar Oddvar Drevsjø, tekst/foto


Rong - Folkedal 29.06.2019

Fellesturen saman med Granvin Turlag frå Rong til Folkedal vart ei stor oppleving for alle som var med. Turen starta med å køyra toetasjers buss til Rong. Halvvegs til Rong bytte passasjerane plass slik at alle fekk oppleva å sjå deler av den vakre Bordalen frå øverste etasje. Påmelding til turen var i forkant veldig stor, og det var ikkje plass til alle. Nokre køyrde privatbilar til Rong. Bussen frå Folkedal tok 14 passasjerar meir enn bussen til Rong. Slik kom alle seg heim att med bussen frå Folkedal. Til saman var det 54 personar som gjekk turen til Folkedal.

Det varm sommarvarme i fjellet. Det lukta sommer av naturen og kleggen beit i solsteiken. Ein liten bris gjorde at det vart eit svalande og godt turver.

Undervegs vart det fortalt om stølar og stølsliv kring stølane Øyaset og Almenningane. Hermann Ovrid fortalde om bruk av naturen i området rundt Krossaset og Helgastøl i gamal og ny tid. Støling, sagbruk og saltvegen mellom Rong og Hardanger vart nemd. Kristningsferda mellom Folkedal og Bordalen vart og nemd.

På Helgastøl fekk heile turfølgje skikkeleg skogskaffi kokt på gruva inne i den fine lavoen som er bygd her. Etter ein kvil her gjekk med ned den bratte skogsvegen til Folkedal.

Alle gler seg no til den store fellesturen til neste år i samband med kommunesamanslåinga; og då skal det vera plass til alle som vil vera med. Fleire bilete her

Takk til Granvin Turlag for ein godt planlagt og gjennomført tur! 

Kanodag på Lundarvatnet 16.juni 2019 

Feire bilete her 

Klyvestølen 13. juni 2019

Me var 23 som gjekk turen til Klyvestølen. Me fylgde gamle Raundalsvegen til Morset, her tok me av stien og gjekk i noko myrlendt terreng opp i skardet ved Klyvsnolten. Herifrå fylgde me stien inn mot Klyvestølen. Stien går høgt over Rastalia. Ved Klyvestølen var det ein god pause. Me gjekk same vegen tilbake. Oddvar Drevsjø

Fleire foto her

Klikk her for å skrive tekst.

Introduksjonskurs i kart og kompass 8. juni 2019

Stølar og gardar i eldre tid 28. mai 

Interressa for foredraget «stølar og gardar i eldre tid» ved Gunnstein Akselberg var stor. Om lag 400 stk kom for å høyre han fortelje om samanhengen mellom stadnamn, gardsnamn og stølsnamn. Ei stort og særs interessant « landskap» å få litt innsikt i. Me takkar Gunnstein for ein triveleg og lærerike kveld. Takk og til Arne Anderdal og Ole Bull akademiet for samarbeid, samt dugnadsgjengen som sytte for smaksprøvar av stølskost. Voss Utferdslag, ved stølsturkomiteen, ynskjer alle god tur rundt omkring på årets turmål.

Opptur 2019

Bruk naturen som medisin!

Helsedirektoratet trur at halvparten av oss vil få ein psykisk liding eller plage i løpet av livet. Fleire meiner at me må bruka meir av ”grøn resept”;  bruka naturen som førebygging og behandling. Me veit at fysisk aktivitet, det å vera i naturen er helsebringande, me får betre humør, meir energi, og stresset vert redusert. Naturen gjev oss frisk luft til å pusta i.

Onsdag 22. mai var dagen der alle 8-klassingar i Voss og Granvin var invitert ut på tur. Me hadde same opplegget som i fjor. Oppmøte på ”Torget”, og etter ei kort orientering gjekk me til bussane som venta på Holbergsplass. På turen frå Tråstølen til Hangurstoppen var det ikkje akkurat stilla som rådde, stor anleggstrafikk var det som møtte oss. Me beklagar dette!  Turen ned til gamle Hangursrestauranten gjekk som forventa bra, heile turfylgje kom samla til mat og drikkepause. Her hadde me og premiutdeling til dei tre beste klassane i konkurransen i allmennkunnskap. Under stor applaus gjekk alle premiane til Voss Ungdomsskule, med klasse 8D som vinnar. Dei fekk med seg 1500 kr. Andre premie gjekk til klasse 8A, dei fekk 1000 kr. Tredje premie og 500 kr. gjekk til klasse 8C. Alle fekk med seg eit minne frå Opptur 2019, nye gule T-skjorter, ”gult er kult”! Før det store gruppebiletet vart teke, fekk alle beskjed om å ta på seg dei ”kule” T-skjortene. Turen innover fjellet gjekk så det suste. Ivrige 8-klassingar drog opp tempoet slik som reinsdyra gjer når dei vert skremde. Ved vegskilje i Gråurdsdalen fekk me ein pause. Veret i starten på turen denne dagen var slik me ynskjer det, litt regn vart det på slutten av dagen. Siste delen av turen gjekk mot Raugstad, Mølster og til slutt enda me på Vangen. Me oppsummerer turen denne gongen slik; Dagen vart ein avveksling frå ein hektisk skuledag, og eg trur dei fleste 8-klassingane fekk ei fin oppleving.

Takk for turen til alle som var med oss!

Beste helsing

for Voss Utferdslag

Bjørn Grande

Vårløysingstur til Husedalen 26.mai 2019

Sundag møtte me opp på Holdbergsplass 19 personar, med store forventningar om ein fin tur opp Husedalen i Kinsarvik. Me køyrde i privatbilar. Då me kom til Kinsarvik fekk me med oss dame til. Me gjekk opp røyrgata og fekk med oss den mektige elva oppover. Vêret var fint og alle i turfylgjet var i strålande humør. Det bar oppover i fint tempo. Tveitafossen var den fyrste fossen som var eit utruleg skue. Me hadde god tid til små pauser og mykje fotografering. Så kom me til Nyastølsfossen, kjempefin og vill den og. Vidare til Nykkjesøy. Der hadde me ein lengre matpause og fekk nyta fossen og fosseduren i fulle drag. Me gjekk ca ein halvtime til og fekk Søtefossen i skue. Der fekk me teke gruppebilete. Alle var like imponerte av det me fekk oppleva. So bar det nedover att. Me gjekk då i den T-merka løypa som går til til Stavalid. Me kom nedatt til bilane til avtalt tid. Alle var einige om at det hadde vore ein fin og kjekk tur. Takk til alle som var med oss og gjorde turen til ei fin oppleving. Fleire bilete her

Kristi og Astrid

Lågterskeltur til Bergslidi 18.mai 2019.

Lågterkselturen Voss sogelag og Voss Utferdslag har saman gjekk denne våren til Begslidi. Med Magne Berge som kjentmann vart omlag 50 deltakande turgåarar informasjon om garden og livet der før. 

Naturverndag - ei markering mot vindkraft 12. mai.2019

Nei til vindturbinar i Vossafjella! Utferdslaget i samarbeid med Voss Naturvernlag hadde ei vellukka markering mot vindturbinar i Vossafjella 12. mai. Meir enn 120 personar var til stades under markeringa på Nesheimstunet. Her vart det ei god blanding av kultur og natur. Voss folkemuseum opna dørene til husa på tunet til stor glede for alle frammøtte. Synnøve Kvamme frå Naturvernforbundet i Hordaland hadde eit godt innlegg og synleggjorde dei øydeleggjande konsekvensane av vindturbinar i norsk natur. Dette gjorde verkeleg inntrykk på dei frammøtte. Ordførar Hans-Erik Ringkjøp gjorde greie for det politiske arbeidet mot vindturbinar i Vossafjella. Vidare gjorde han greie for kva naturen betyr for næringslivet på Voss. Juniorgruppa til Voss Spelemannslag underheldt med godt spel i to økter. Folk kosa seg. Det var sal av sveler og gratis saft under heile markering. God dugnadsinnsats av frivillige frå Utferdslaget og Naturvernlaget gjorde dette til ei flott markering mot vindturbinar. Ei gruppe på over 20 personar tok turen frå Hefte til Hustveit. Folk frå Stiftelsen Hustveit hadde omvising og orientering om planane vidare for garden. Ein flott dag for å ta vare på natur og kulturen vår. Takk til alle som bidrog! (tekst Olav Sognnæs )) Fleire foto her 

Vossaskavlen 14.april 2019

Det var med 24 deltakarar frå Myrdal. 2 stk hoppa av på Kaldavasshytta og gjekk ned til Upsete langs kvistaløype på grunn av ski utan stålkantar. 22 deltakarar klarte turen flott vidare til Ørneberget der me var framme kl 17.40 og 20 minutt før planlagt skjema, og 2 små bussar kom og henta oss. Det var hardt og stabilt og tøft føre men dette gjekk bra og ingen alvorlege uhell. Bakken ned til Slondalen vart ein opptur med slush. Veret var nydeleg med blå himmel og svak vindtrekk innimellom. Deltakarane syns dette var ein ny og flott variant til Vossaskavlen. Turen var 23 km , 1300 høgdemter opp, turen tok 7,5 timar inkludert pause. Turleiarar: Sveinung Klyve, Jostein Minde og Emma Lund Rogstad ( DNT-ung og Voss vidaregåande skulee / villmarkslinja. Fleire bilete her ​​​​​​​

Onen 13.april 2019

Fjellsportgruppa starta inngangen på årets påske med tur til Onen frå Osa. Ein strålande dag med fjord og fjell! Turleiarar Jean Christophe Scouarnec og Kjartan Haugen

Vikafjellet 10. april 2019

15 deltakarar ynskte å vera med på sesongens siste skitur. Me fekk ein fin og kjekk tur i bra ver.

Me hadde frykta harde løyper ettersom det hadde frose på etter mildveret siste dagane. Harde løyper fekk me, men ikkje så gale som me hadde frykta.

Inntrykker er at dei fleste hadde rimeleg gode ski, sjølv om det var vanskeleg å skri der det var mykje spor. Turen vart gjenomført heilt etter planen utan uynskte hendelsar av noko slag.

Turleiarane vil takka deltakarane for positiv instilling og godt humør, noko som for oss gjorde det til ein hyggjeleg dag.

Fleire bilete her

 (Tekst: Bjørn Knapstad)

Gullbrå - Engjaland via Kvitanosi 7.april 2019

Vi var 24 stk som la ut opp mot Kvitanosi frå Gullbrå. Nokre med randone, dei fleste på fjellski. Nokre lokale eksingedøler, og nokre kom langvegsfrå med tog, bil og buss. Det var eit nydeleg vær, men diverre var det ein del trekk. Det var fyrst då vi kom på toppen av Kvitansosi at vi fann ein lun plass – bak varden. Nedskringa ned frå Kvitanosi mot Høgevarde gjekk som ein draum. Det låg eit tynt styrelag oppå skaren, og vi satte utfor. Frå Høgevarde gjekk vi vidare til varden på Skreieggi. Her hadde vi ny pause – ei litt sur oppleving, for her var det vind igjen. Frå Skreieggi suste vi ned til Kasethovden, og vidare mot Kaset og Engjaland. Føret var supert, og folk kosa seg i nedoverkøyringane. Dette var ein flott tur, det var vi alle samde om. Turleiarar: Bodil Atterås og Kjersti Vik ( foto: Bodil Atterås ) Fleire foto her

Grindaflethytta 8. april 2019

Det er rikeleg snø i Grindafletområdet. Frå Ljosandbotn kan ein ta skia på ved togstasjonen, medan det i Øvsthusdalen (frå Fyre ) er dårleg snødekke i nedre del. I dag 8/4 er det fast fint føre som slit hardt på smurning og derfor er feller lurt å ha.

Tilsynet har nå gjort hytta klar for påsken. Kvisting gjekk det dessverre ikkje an å få gjort denne sesongen, men tilsynet fekk til gjengjeld lagt ut brua ved Elvamotet  (for sommarsesongen).

Velkommen til fjells.


Tjednarhovden 4. mars 2019

Me var 6 personar som møtte til tur denne dagen. I lett overskya ver og eit par plussgrader gjekk me med skia på ryggen til der snøen møtte oss og me kunne spenna på oss skia. Stølsvegen me skulle fylja oppover dalen er ein svært gamal veg, som vart bygt i åra 1912-21 Med den nysnøen som var komen i det siste var føret svært god å gå på, både med smurning og feller. Etter ca. to timar, inkludert pausar og orientering om stølane me såg på begge sider av dalen, kom me til Skitlidi. Her vart det god matpause og mykje god prat og då me berre var 6 personar kunne og alle vera med i same praten. Og det var kjekt! Etter pausen gjekk turen vidar til Tjednarhovden og etter ein kort stopp her gjekk turen same vegen tilbake. No hadde og den svake vinden som var tidelegare stilna og sola braut i gjennom skylaget og med stigande temperatur vart det no reine påskafølelsen! Ein kjekk tur og turleiarane takkar for turen! 

Breidskrednosi 31.mars 2019

Vêret vart litt dårlegare enn meldt, men vi var 20 personar med godt mot som la i veg frå Nosi. Vi gjekk i fint tempo langs elva innover Breidalen, før vi satt kursen mot vest og opp Breidalsbotnen. Oppover i dalen kom det to til og slengte seg med gruppa vår, så vi vart totalt 22 stk. Opp den brattaste lia var det isete og hardt. Eine turleiaren mista her balansen og rasa ned til start før ho stoppa. Då var det berre å trakke seg opp att. Endeleg oppe på Vardane. Her skulle vi sette kursen vidare over toppane og sidan ned til Breiskrednosi. Diverre var det heilt avblåst, og det var omtrent umogleg å gå. Vi vart alle einige om at det einaste rette var å snu. Då var det berre å sette kursen ned Breidalsbotnen igjen. Sola dukka opp, vi fann ein trasé med litt meir nysnø då vi skulle ned bratthenget, og vi satte utfor. Det vart ei utruleg kjekk nedkøyring. Vel nede att var vi alle einige om at det hadde vore ein bra tur. Tekst Bodil Atterås 

Topptur 30. mars 2019

Me var 4 som møtte opp på Vangen på lørdag, klare for ein topptur i litt ruskete vær. Turen gjekk fra Hodnaberg, forbi Kvålsdalsstølane og vidare opp mot Songrøfjellet. Etter skikkelig mildvær på torsdag og fredag hadde vel 15-20cm snø blitt borte og mange bekker var plutselig opne. Me vart einige om å snu ca. 100m under toppen, då sikta var blitt dårlig. Me venta ikkje for lenge for den meldte sola der oppe var blitt kald vind istedet. Heldigvis var det litt påfyll med nysnø , til og med tørr over 900moh, og nedkjøringen vart meir moro enn forventa! Takk for turen! Turleiarar Marte Stein og Jean Christophe Scouarnec. 

Skjerstølen-Lundaholmen-Ljosvatnet 27.03.19

Me var 7 som møtte på vangen i litt småregn og køyrde til Skjerstølen, framleis vinter her med litt sol og 10 cm tung nysnø etter snø og regn siste dagane. Frå bilane vart det etter kvart bratte bakkar, men med fellar gjekk det fint å komma opp til Lundaholmen med tid for mat og prat. Litt grått og flatt ljosno, men med med påfyll av energi var alle klar for vidare tur opp til Ljosvatnet. Returen til bilane gjekk fint, tung nysnø gjorde det vanskeleg å svinga, retur til vangen kl. 15.20. Fin tur, men då oppsette turleiarar var verfast på Volahytta vart det litt mindre informasjon om stølar i område, "felles stifinning" gjekk heilt fint.

Turleiar Bjarne Fosse

Ospehaugen - Jonstølen 20. mars

Om ikkje vermeldinga var den beste møtte 9 ivrige turgåarar fram til avreise ved Amfi. Frå Ospehugen gjekk turen innover til Jonsstølen på stølsvegen. Snøen var fuktig så dei fleste valde å bruka feller og gliden var god. Kjekt å gå på ski når det er ei lett løypa å gå i. Vel framme på Jonsstølen valde turfølget å ta matpausen i fellesbygget (grindbygget). Her gjekk praten om laust og fast. Etter matøkta gjekk turen i retning Fjellsetedalen og endestoppen på turen var i enden av det ytste Fjellsetevatnet. Her fekk vi litt skodda, men ingen nedbør. Turen frå Ospehaugen til Fjellsetedalen går i eit lett terreng.

Turleiarar Lars Lillethun og Kristian Østrem

Torvedalen 9. mars 2019

Vossestrand Røde Kors transporterte ved, gass og proviant til hytta i Torvedalen. Takk for vel utført arbeid, helsing hyttetilsynet

Rødno - Æsntølen- Hommedalstjørni 13.03.2019

Blå himmel silkeføre og vindstille, betre kan det ikkje bli! Dagen før var det stiv kuling ,regn og sludd. 17 spreke seniorar stilte opp og var med på denne drøymeturen til Rødno, Ænsstølen, og Hommedalstjørni. Fin snø, men mykje! Så det var godt å ha fire sterke «lokomotiv» i tet som laga gode løyper til oss bak. Det gjekk fint oppover vegen til Ænstølen. Me tok ein god matpause her, nøt sol og utsyn. Vidare over brua og oppover bakkane mot Hommedalstjørni. Me skrei ikke ned til vatnet grunna store snømengder. Så var det berre å nyte nedrennet i flott puddersnø tilbake til bilane. Alle var godt nøgde etter ein strålande dag i fjellet. Takk for fin og hyggeleg tur! Fleire bilete her. Turleiarane ( tekst: Tove R Jacobsen )

Mjølfjellet - Eilivseggi 10. mars 2019

Turen til Mjølfjell starta på Voss stasjon . 12 turglade personar glede seg stort til den fine turen over Eilivsegga. At sola skein frå skyfri himmel var berre heilt fantastisk. Mange starta med feller, men det var lett og velge smurning, blå extra gjorde susen. Me gjekk i lett stigning opp til Kleivafjellet. Der møtte me Anne Karin Finne som var den perfekte guiden vår. Ho losa oss over Eilivsegga trykt og godt. Me hadde ein fantastisk utsikt over mange kjente toppar. Me runda eggi og skrei ned til Osten. Der var det berre og ta av fellene og skri ned til Ljosanbotnen stasjon. Takk til alle for som gjorde turen til ei fin oppleving. Turleiarane

Fleire foto her

Snøleik i Bavallen 6. mars 2019

Takk til alle 30 store og små som var samla til leik i Grebbesbakken. Ein herleg ettermiddag med der nokon utfordra seg på hoppa, og slalom på ski eller akebrett: Stor aktivitet og påfyll av pinnebrød, og nylaga popcorn var ein suksess! Yngvar, Karethe, og Nina!

Rong - Almenningane 6. mars 2019

12 personer var med på turen. Det var kome nysnø så føret var greit. Litt snøbyger i starten ellers fint. Matpause ved stølane nedre Almenningen. Vi gjekk vidare til øvre Almenningen og retur samme veg Attende på Vangen ca kl.14.30. Turleiarar Tove Fadnes og Reidar Berge.

Vikafjellet-Finnbunuten-Myrkdalen fjellandsby sundag 24.2.

Transporten på turen var planlagt med buss men pga dårleg værmelding på fredag og få påmelde vart det tur med privatbil i staden. Vermeldinga vart betre og det vart fleire som ville vera med. Me var 14 som reiste oppover til Vikafjellet i eit lettskya opphaldsvær. På parkeringsplassen ved telegrafhytta gjorde me oss klar og starta turen i retning Lars Ola vatnet. Det er uvanlig mildt i høgfjellet for tida, bekken frå vatnet var open og det var litt overvann der, men det gjekk fint å komma over. Me forsette oppover nokre km til før me tok ein matpause, med litt vind fra nordvest ble pausen akkurat passe lang. Sola var delvis framme då me gjekk vidare, og varma godt i bakkane oppover. Når me svinge mot nordaust var det ein liten skrent me måtte over, men dei fleste kom seg opp utan å ta av skia. Oppover mot Finnbunuten er litt stigning med flate parti innimellom. Me tok ein stopp med varden på toppen for å nyte den flotte utsikta og skriva oss inn i boka. No merka me vinden meir og me gjorde oss klar for nedturen mot skiløypene. Mildværet hadde nådd toppen og det var eit skarelag som ein braut igjennom og gjorde det krevjande å skri. Me tok pause nr 2 like over toppen av Kari Trå trekket. Der smakte det ekstra godt med mat og varm drikke, og sola kom meir og meir fram. Etter pausen gjekk det vidare nedover. Skaren gjorde at det var vanskeleg å svinga og å skri rett fram fungerte bra så lenge ein heldt seg på beina. Nede i skiløypene var det betre å skri og alle kom seg ned til fjellandsbyen. Litt utfordringar hadde me for å henta bilane, men det løyste seg til slutt. Takkar for ein fin tur i lag med kjekke folk. Helsing turleiarane.

Jerald - Tinden - Bulko 17. februar 2019.

11 personar var med på tur med Utferdslaget frå Jerald-Tinden-Bulko. Det var dårleg føre og regn i lufta denne dagen. Me tok buss til Jerald. Herifrå gjekk me på ski i stølsvegen til Væskre, der me tok ein liten pause. Vidare gjekk me i tåke og dårleg sikt til Hanselavatnet. På grunn av det dårlege været gjekk me ikkje opp på Tinden. Frå Hanselavatnet gjekk me til stølane på Helgaset, for så å gå i lett terreng til Bulko der bussen henta oss. Sjølv om været og føret ikke var på topp, var me alle einige om at det var ein flott tur . Turleiarane 

Berge – Bolstadstølen 10.02.19

Det vart ein super tur til Bolstadstølen. 21 personar møtte opp til å vera med inn i eit nytt terreng for dei fleste. Det var heller grått ver på Vangen då vi møttest på Holbergsplass, men framme på Berge lysna det opp. Turen opp til Bergsskardet kan vera tung å gå, men i dag vart løypa lagt slik at det vart lett å gå for alle. Nokre av deltakarane hadde litt klabb og babb med skia nede i lia, men vel oppe på Bergsskardet vart føre lett å gå i fin nysnø. Det var eit fantastisk landskap som møtte oss på veg inn mot Såta, småkupert og ope landskap. I vest var det blå himmel og sola var på veg til å bryta gjennom. Ved Brunane var det fint utsyn til Lid og Brekke. Frå Gufsakross-skardet var det fint unnarenn til Bolstadstølen. Frå Bolstadstølen gjekk turen sørover oppatt mot Brunane. Og så var det nokre artige renne ned til bilane. Godt føre, nysnø, sol og eit fantastisk landskap gjorde turen til ei stor oppleving for alle som var med. (Turleiarar Olav Sognnæs / Audun Hellevang ) Fleire bilete her. ​​​​​​​

KOM DEG UT DAGEN  -vinter 2019.

Takk til alle som kom og var med oss denne strålande dagen på Giljarhus. Stor og små i herleg kaos kosa seg i ski / akebakken.  Kake, appelsiner, lappar og nysteike vafler fekk bein å gå på. Ivrige skiløparar tok runden med turtipp i skogen - og fekk velfortent premie etter å ha fullført langturen. Mange små, og nokre godt vaksne, born utforska igloen, medan andre gjekk på skattejakt med sender / mottaker som hjelpemiddel. Det var ein godt sliten og veldig fornøgd TURBO som vinka ha det til alle då dagen var omme! 

Takk til Torstein og Elin Nondal for lån av stad og god hjelp før og under arrangementet. Takk og til Voss Resort ved Einar Rå Nilsen for lån av langrennsski til store og små. 

Klikk her for å skrive tekst.

Nordre Hamlagrø – Kvanngjeltoppen 27.01.2019

Etter ei natt med sterk vind, møtte 13 personar opp for å vera med på ein frisk skitur. Det var store snøfonner i vegen ut mot Hamlagrø og vel framme på perkeringsplassen vart me møtt av ein kald blæst. Me vart samde om at ein topptur i dag ville verta for kaldt, men ein kortare tur opp Kvanngjela var høvleg. På veg oppover såg fort at den sterke vinden blæse bort snøen på knausar og toppar. I den kalde vinden var det urå å finna ein lun plass å ha matpause. Etter ein kort, ståande pause, gjekk me litt i løypene på Nordre Hamlagrø før me returnerte til bilane. Denne litt avkorta turen gjorde oss alle godt.

Brandset - Ospahaugen 20.01.2019

På sundag var vi 11 personar som la i veg i mykje nysnø. I starten var vi veldig heldige, det var brøyta gode spor opp langs Prinsabotnelvi, og det var rett og slett idyllisk å gå opp gjennom skogen. Etter å ha kryssa elva litt over den såkalla Lensmannshytta, då var det slutt på alle spor. No måtte vi brøyte sjølve, og det vart eit skikkeleg lagarbeid der vi bytta på å ligge fremst. Vi kom oss eigentleg ganske raskt opp til Strandaleitet. Ja, vi låg til og med framfor estimert tid. Og då sola dukka fram i matpausen vår, og det nesten vart påskestemning, då var humøret på topp. Diverre var det så mykje snø at vi måtte brøyte oss ned bakkane i Fjellsetedalen, og etter kvart vart vi liggande bak estimert tid. Frå Jonstølen og ned var det scooter-spor, så der gjekk det unna. Alle var einige om at det hadde vore ein kjekk tur.


Skituren Årmot – Oppheim 13.01.19

Fantastisk start på årets skitursesong. 18 personar var med Utferdslaget på tur frå Årmot til Oppheim. Det var nullføre i starten og nokre av turdeltakarane fekk litt vanskar med klabbeføre opp mot Revhaugane. Me tok oss god tid og alle kom seg opp med eit smil om munnen. Etter å ha kryssa elva hadde me matpause. No var det tid for preparering av ski og alle starta opp att med betre glid. På veg opp mot stølen Tjørnhovden fekk me vind og blæst i ryggen og litt dårleg sikt. No var me på turens høgste punkt og alle kosa seg i nysnøen og sola som møtte oss. Med vinden i ryggen, god glid og fornya energi, gjekk turen som ein leik nedover Oppheimsdalen, og brått var me ein time føre skjema.

Ein flott gjennomført tur av alle!

Friskus i friluft 2018


Friskusgjengen er no ferdig med kurset sitt.

Me har gått tur, lært om DNT og naturforvaltning. Laga mat på bål, fiska, leika, og lært å lese kart og bruke kompass. Denne aktive gjengen likar å være ute, litt regn har ikkje stoppa engasjementet. Me har padla, laga masse god mat på bål, og blitt flinke på planlegge tur.

Me vil takke for ei flott tid med ein positiv og glad gjeng, som seier dei har kosa seg. Ivrige som dei er var dei ikkje klare for å gje seg på kurs: " Kan me ha ein vintertur og? eller eit vinterkurs? var avsluttnings kommentarane siste dagen.

Takk og til Voss vidaregåande skule ved Emma, Kasper, og Kristian Fredrik for god hjelp. Og ikkje minst takk til Abdulkarim og Mohammad for god assistanse på kurset. God tur alle saman og velkomen med på tur ein annan gong med oss! fleire bilete her 

Voss Utferdslag og Voss Jeger og fisk!


Myrkdalen - Vetlebotn 17.10. 2018

Onsdag 17.10. gjekk turen i bil til Myrkdalen der Gudmund Furu tok mot oss ved hotellet, opphald og mest skya med +10 er fint turver for 16 deltakarar. Me samlast ved grunnsteinen til Fjellandsbyen som starta i 2002. Fyrste etappe gjekk på hyttevegen som svingar seg oppover bakkane 3 km før matpause ved arenahuset i botnen av i kulebakken, som var arena for verdsmeisterskapen for nokre år sidan. Mange hytter i forskjellig utforming og storleik, snart 600 bueingar. Med ein snittpris på 3 mill. er det verdiar for eit par milliardar, masse nullar å passa på for å finna eigedomsskatten dei eksporterar til oss andre vossingar ? Fin utsikt til alt saman med hotell og nya huset Kamben som reiser seg 6 etasjar framfor Torget og gågata, her er snart ferdig fjellandsby me kan oppsøkja når det manglar på vangen. Vidare oppover bakkane til Vetlebotn, traseen som Skjervheim nytta for ny rekord med over 21000 høgdemeter på 24 timar prøvde me ikkje, men gjekk på sti tilbake til hotellet. No veit me at dalen ikkje lenger er fråflyttings grend i Voss, men god motor for utvikling og eksport av arbeidsplassar og skatteinntekter til Voss. Takk til Gudmund for god innføring om utviklinga i Myrkdalen siste 16 åra !

Turleiarar Gudmund Furu og Bjarne Fosse.

( tekst / foto: Bjarne Fosse )

Fyrjo 10.10.2018

11 deltakarar køyrde privatbilar til stølen Fyrjo, og hadde god sikt for vidare tur i det opne landskapet på stølane.  Naturen var prega av regn og snøsmelting siste dagane med stor vassføring i bekkar og elv.  Første testen vart "ei gammal steinbru" som mangla litt stein og rekkverk, kansje årets ekstremtest, men turleiarane sikra godt.  Vidare opp til Vetlanosi 1121 moh, etter ein god matpause under skodda.

Siste 100 høgdemeterane vart det meir vind og skodda, godt at kart og kompass var med, retur til bilane på austsida av toppen.

Sola som var lova kom ikkje før me var tilbake på vangen kl.16, alle hadde hatt ein fin tur med 10+, vekslande skoddeyr og litt vind.

Turleiarar: Lars Lilletun og Tove R. Jacobsen

(Tekst/foto: Bjarne Fosse)

Liaset 7. oktober

Me var 5 som starta ved parkeringa ved Liaset. Me gjekk forbi stølen, og fylgde den T – merka stien opp til kolingseggi. Her vart det ein god pause, før me gjekk ned til Skorsetvatnet. Tok ein god pause her med nistemat. Me fylgde den T- merka stien tilbake til Kolingseggi og litt forbi, her tok me av den T- merka stien og gjekk inn på ein umerka sti. Gjekk forbi dei gamle murane etter stølen Vambaset, og vidare ned att til Liaset. Det var ein flott tur med litt kald trekk på toppane. Fleire bilete her

Rasdalen - Røyrbakken 03.oktober

VU senior tur gjekk frå Rasdalen til Vibotnen. Der var det også bok for stølsturane. Litt spente var me på kor vidt det var mykje snø i området, men det var greitt å gå etter sit. Stort sett var det opphaldsvær, med ei lite snøbyge innom. Dei 15 deltakararane fekk mellom anna ei innføring i histora bak vegbygginga til Rasdalen, og tida frå 1904  fram til 5o talet.  Det lakkar og lir med VU senior turar for i år. Snøen er komen langt ned i liane, så det er vel ikkje lenge før fjellsko må bytast med ski.

Fotokurs 29. september


Under kurset denne dagen var det undervist i ulike kamerafunksjonar og generelle retningslinjer for korleis ein tek gode, forteljande, bilete innan natur og sportsfotografering. Eit yrande folkeliv på i eit spanande vær vart motiv for dei flotte bileta som vart presentert etter at deltakarane sjølv hadde prøvd. Takk til Hunnalvatn Media

Voss Sogelag og Voss Utferslag tur til Skjervet 29. september.

Me var sju som møtte opp på Skjervet på den regntunge laurdagen. Svein Moe orienterte oss om vegen opp Skjervet frå gamal tid og fram til i dag..
Me starta oppe ved parkeringa ved Skjervefossen og gjekk ned den nylagde stien som skjerpar har vore med å laga, med trappetrinn ned lia. Me gjekk forbi den gamle saga som stod ved Skjervefossen, murane etter saga viser enno. Vidare gjekk me forbi ei skyttergrav frå krigen som seinare vart fylt igjen med stein. Steinane er no fjerna og skyttergrava vart komen til syne att. Me gjekk ned til enden av fossen ved brua. Me merka godt drevet frå fossen med den store vassføringa som var. Tok også turen ned til der det gamle Skjærven hotell, som seinare vart til Fossheim kafe, stod. Me gjekk opp att bilvegen til parkeringsplassen. Fleire bilete her

( tekst og foto: Oddvar Drevsjø )

Fagnastøl 26.09.2018

Turen 26. september gjekk inn til Fagnastøl som ligg under dei mektige fjella Seldalsnuten 1548 moh og Olsskavlen 1576 moh.

Kven ville vera med seniorgruppa på tur i dette ville veret? Jau, det var dei som hadde bestemt seg for at veret ikkje skulle vera tema denne dagen. For dei fleste skulle turen gå i ukjent fjellområde. Dei ville ha ein frisk rekreasjonstur med Utferdslaget. Det er haust i fjella, og dei fine haustfargane er eit syn for auga. Med eit, er vinteren eit steg nærmare oss, for snøen er komen og ligg som ei kvit kappe høgare oppe i fjella. Myra var svært våt, og dei måtte gå med lette steg. Både sko og klede fekk gå i gjennom ein skikkeleg kvalitetstest. Mat og drikke skal dei vera påpasseleg å få i seg, sluntrar dei unna med næringspåfyll, tapar du krefter fort. Å halda kroppen varm er og viktig. Vert du våt og kald blir ikkje turen så hyggeleg og gleda av å vera ute vert ikkje den same. Du får ei god kjensle i kroppen og det er litt stas når du kjenner at du meistrar motstand. Voss Utferdslag har mange fine turar som kan gje stor glede og gode turopplevingar for mange, såleis også denne turen til fagre Fagnastøl. Voss Utferdslag bryr seg om folkeehelsearbeid som førebyggjande arbeid. Tilboda våre kan vera vegen til betre helse! Takk for turen til dei som var med!

Tekst og foto: Bjørn Grande

Bjødnahola 19.09.2018

16 deltakarar, avreise frå Vangen kl.9, retur kl.16.15, Delvis skya opphalde og litt sol, alle vel tilbake. Turen denne onsdagen gjekk til staden der siste Bjørnen på Voss vart avliva. Turleiarane Reidar Berge, Svein Jarl Hansen og Tove Fadnes hadde gjort godt førearbeid med å finna farbar veg. Med regn og vind om morgonen vart det tvil om turen kunne gjennomførast men med gode vermeldingar vidare for dagen køyrde bilane til Voll og gjekk vidare til Vollbotnen (stølen) for matpause. Turdeltakarane var klar for vidare tur mot Bjødnahola og veret vart stadig betre, gjekk over elva frå Vollbottsvatnet på god bru, vidare på sørsida av vatnet som ligg 751 moh til austenden der motebakkane starta. Vegen vidare litt inn i Vetlebotnen og opp berget til hola hola 1087 moh. Her vart det tid til mat, fotografering og forteljing om bjødnajakta og gamle saltvegar mellom Raundalen og Graven (Granvin). Retur etter vegen me gjekk opp. Alle var nøgde med at målet vart nådd og takka turleiarane for fin tur ! Fleire bilete her 

Klikk her for å skrive tekst.

Krone 11.09.2018

Onsdagsturen for VU seniorer måtte legges om på grunn av Yr sine utsikter for dagen, men 8 friske seniorer møtte for ein tur til stølen Kronæ. Mye regn og våte partier ble passert med godt humør. Heldig vis var det en gammel løe der vi fikk ly for regnet under matpausen. Turen er ca 12 km t/r stølen ligger 585 m ovh. Fleire bilete her

Foto: Astrid Såkvitne og Alf Kissner

Mjølfjell – Espelandsdalen 09.09.2018

Me var 21  som tok toget til Mjølfjell denne sundagen. Det var godt turver, overskya med solglytt. Over hengebrua, oppover lia og innover til Veset og Vesetvatnet. Her hadde me matpause før me gjekk vidare, opp Jeriken og forbi Badnatjørn, som ligg der som eit stort badekar. Me pausa litt øverst i Fallet, før det bar nedover i fleire etasjar. Fekk etter kvart litt regn på oss, men det gav seg. Pausa litt på Tyssedalstølen, før siste biten i ur, i myr, på sti og på stølsveg ned til bussen. Fleire bilete her ​​​​​​​

Takk for turen!

Åse Midthun og Anne Grete Haugen

Hodnaberg - Kiellandbu 05.09.2018

Det var folksomt på den flotte turstien denne dagen. Frå Voss Utferdslag var vi 38 stykker som starta i lavt skydekke på Hodnaberg. På vegen langs Møyåni traff me folk både frå Norge og Canada, mellom anna ein skuleklasse frå Voss som hadde lagt i telt.
I Hardingaskardet låg skodda heller tjukk , men Kiellandstien , som vart bygd  då den første Kiellandsbu vart oppført i 1892, var lett å fylgja . I den bratte skråningen langs foten av Sveindalsnuten , hadde skjerpaer frå Nepal utbetra stien. Og då skodda letta og sola kom fram ved hytta på Løkjedalsnuten, fekk me utsyn både til fjord og fjell og ned til Botnen. 
På tilbaketuren hadde me godt og varmt og solfylt vêr. Vegen frå Hodnaberg til Kiellandsbu må vera ein av dei vakraste turene ein kan ta ! Området rundt Hamlagrøvatnet  er også svært rikt på kulturhistorie, enten det gjeld stølsdrift, hotellturisme frå farne dagar eller båtferdsle på vatnet. Denne dagen i fjellet var ei god oppleving! (tekst Bente Daltveit ) Fleire bilete her ​​​​​​​

Stoksel – Dalsete 29.08.2018

Etter parkering på Stoksel la 20 turfolk i veg innover stokseldalen og etter ca. 1t og 45 min. var me framme på Dalsete. Her var det tid for matpause og under pausen vart det fortalt frå historia til stølen Dalsete, som opprinneleg fyrst låg på øvra Dalset, men etter mykje bjørneplaga var flytta ned til der han er i dag. Historia fortel og om mange dramatiske hendingar på Dalset på 19-hundratalet, med snøskre (der fleire sel gjekk mede), brann og drukningsulukke.Det vart og fortalt om tysk flystyrt under krigen, oppe i fjellet "Disk", der 4 personar omkom og som ligg gravlagde på Solheim kyrkjegard i Bergen. Etter matpausen gjekk me vidare oppover til "Fjelkleiv" og vel framme vart me møtt av det storslagne utsynet over Hallanger, Hardangerbrua, Simadal m.m. Dette meinte mange var høgdepunktet på turen. Etter ein kort "foto" pause, tok me same vegen tilbake til Stoksel og der takka me kvarande for ein vellukka tur, samstundes som det varsla regnet byrja koma. Takk til alle som var med! Arne Hauso. Fleire bileteher 

Jotunheimen 24. - 26. 08.2018

Det var eit vakkert men utruleg syn som møtte oss på Valdresflye på laurdag. Alle toppane var dekka av snø - mykje snø. Det vart litt diskusjon om vi skulle gå på Surtningssue, 2368 meter over havet, eller om vi heller skulle gå Bukkelægeret som ligg lågare. Heldigvis bestemte vi oss for å prøve oss på toppen. Vi var 14 personar som la i veg opp i snøkaoset. Det var ein jamn gjeng, og turen oppover gjekk veldig greit. Sidan dette var ein lang tur, fekk deltakarane beskjed om at dersom vi ikkje var på toppen før kl 1430, då måtte vi snu. Vi kom fram i tide, og alle kom seg til topps. Ein stor prestasjon med tanke på forhalda og det at vi var ei så stor gruppe.

Dagen etter gjekk vi på vakre Knutshøe, «lillebroren» til Besseggen. Dette vart ein nyte-tur i forhold til laurdagens strabasiøse tur. Vi tok oss god tid til å nyte utsynet, prate saman, og å vere i fjellet saman.

Dette vart to flotte dagar med forhaldsvis flott vêr. Alle kosa seg, og alle var vi einige om at det hadde vore ein flott tur i eit flott område. Takk for turen! Fleire bilete her


Bodil Atterås

Teltur til Grønlivatnet 25. - 26. 08.2018

Tusen takk for ein kjempefin telttur til Grønlivatnet. Borna stråla om kapp og vann alle konkurransen om å få mest mogleg vatn i støvlane. Fleire bilete her ​​​​​​​

Vetlegrungen 22.08.2018

7 deltakarar ville på tur trass dårleg ver. For å sleppa køyra heilt til Voladammen på dårleg veg la me om turen, og gjekk ein mindre tur til Vetle Grungen i Myrkdalen. Turen gjekk heilt greitt, men me vart stoppa av ei flaumstor elv like før stølen. Sjølv om alle var svært våte hadde me ein kjekk tur. Turleiar Bjørn Knapstad 

Fleire foto her

Blåbærtur til Almenningane 19.08.2018

For ein finfin søndag!

Heile 60 små og store var med på Klart det går-tur og blåbærjakt til Almenningane i dag. Me fann til og med blåbær til pannekakane! 💙Takk for turen 😃

PS, me planlegg fleire turar, fylgj med og lik sida, so får du info so snart me legg ut ny tur. Klart det går-turar passar turglade i alle aldre og alle funksjonsnivå. Alle turane høver for trillande. Velkomen med på tur! Fleire bilete her ​​​​​​​

Rot 15.08.2018

Me var 10 som starta turen på Saue, me fylgde vegen eit stykke til me tok inn på stien, me fylgde stien i lett stigning i begynnelsen, det vart brattare etter kvart når me var komen midtvegs, så me tok det svært roleg opp det bratte partiet, siste stykket bort til Rot gjekk i flatare lende. Me tok oss ei god pause oppe på Rot, Me gjekk ned att same vegen som me kom opp, Det var litt sleipt å gå ned attpå grunn av litt regn i lufta, så me tok det roleg ned på returen att. ( Tekst: Oddvar Drevsjø ) 

Brandset - Remlo 12.08.2018

Etter nokre dagar med regn vakna vi sundag 12.august til ein dag med noko skodda langs fjella, men før vi var komne til Brandset var skodda borte. Heile 27 turdeltakarar la i veg opp lia frå staden vi gjekk av bussen. Det var noko vått i terrenget det første stykket, men over skoggrensa var det mykje turrare. Turfølgje hadde ein flott tur over Eggjane til Storanosi der det var tid for gruppebilete. Her er det fantastisk flott utsikt i alle himmelretningar. Turdeltakarane kunne orientera seg iblant fjelltoppar i Voss og nabokommunane. Neste etappe gjekk via Vetlenosi og Reinstjørndalen til Flatafjellet som er eit stort flatt område i vossafjella. Det er og mange fine små badevatn på Flatafjellet, men det vart inga bading i dag. Mest heile turen gjekk på mjukt underlag. Svært lite stein til å gå på sjølv om ein er så høgt opp i fjella. Siste pause var ved Remlevarden over stølen Remlo. Praten gjekk lett på heile turen og stemninga var god. Alle skrytte av turen og det fine terrenget Turleiar Kristian Østrem / foto: Geir Henrik Styve )Fleire bilete her ​​​​​​​

Berge - Høgtun 08.08.2018

12 personar var med på kulturturen denne kvelden. Fleire bilete her ​​​​​​​

Turleiar Ellen B Sjøgren.

Jubileumsturen  05.08.2018

  • Den Norske Turistforening 150 år                                                                                            •  Voss Utferdslag 85 år

Det vart folkefest til glede for liten og stor. Dei kom i flokk og fylgje for å vera med å markera jubilea til Den Norske Turistforening og Voss Utferdslag. Veret såg ikkje ut til leggja noko dempar på humøret til dei frammøtte sjølv om det var litt småsurt. Godt kledde var dei fleste, dei var klare til å vera ute heile dagen.

Turen starta med buss til Kvitno i Raundalen og vidare på stølsvegen til Fjosestølen. Etter ein kort pause gjekk me inn på sti og kryssa Gamle Raundalsvegen. Kyrne som gjekk å beita oppi lia lurte nok fælt på kva som gjekk føre seg. Dei har nok aldri sett over 200 turglade fjellvandrarar gå i flokk opp lia der før. Stigninga opp til Gråskallatjørn 745 moh gjekk som ein leik. Me kom opp i eit flott turområde med fleire vatn. På vegen mot Liaset var det mange som let seg freista til å smaka på dei fine moltene som sto der.

         Turen så langt hadde gått med liv og lyst for liten og stor. Me nærma oss festplassen på Liaset med flott utsyn over bygda under den mektige Lønahorgi. Lukta av betasuppe kom med vinddraget. Det var tid for mat og drikke.

Paul Jarle Grande var alt i gang med å sette farge på dagen med feiande flott toradarspel. Etter salt mat, vart det kake og kaffi, juice til borna. Overraskinga var stor for borna då ”Turbo” (Maskoten til borna sit turlag) dukka opp på Liaset. No vart det liv i leiren. Med toradarspel og ringdans kom stemninga på topp der oppe i fjellheimen.

Helge Søfteland, kjend frå Friluftsmagasinet i NRK P1, kåserte om Den Norske Turistforening sin oppstart på slutten av 1800-talet og folk sin bruk av fjellet, som i tidlegare tider var til nytteformål. Det var først i starten av førre århundre ideen kom om at folk kunne bruke fjellet til rekreasjon.

Me fekk no eit flott innslag med song frå to veteranar frå Kytesgrenda, Jan Jøssang og Gunnar Schei. Dei song ”Liasetsongen” og fekk stor applaus for gjennomføringa. Leiaren i Voss Utferdslag, Richard Jacobsen tok føre seg starten då laget vart stifta 14. august 1933. Dei første åra var det dei tradisjonelle sundagsturane som var i fokus, fram til 1980-talet. Så kom ei tid med stor aktivitet med hyttebygging. Dei seinare åra har me fått Borna sitt turlag, DNT Fjellsport, DNT Ung Voss, DNT Senior og til slutt dei populære Stølsturane. Som ein ser har Voss Utferdslag stor aktivitet, både for liten og stor, ung og gamal. Som avslutning på dagen, tok Paul Jarle med seg toradaren og ein flokk med turdeltakarar på ein musikalsk vandring rundt stølane på Liaset før ein gjekk ned til Lemme der bussen venta.

Takk for ein herleg og flott dag, dette var livskvalitet på sitt beste.

Voss Utferdslag

Bjørn Grande

Kulset 01.08.2018

Ein frisk gjeng på 10 stk var med på turen til Kulset denne kvelden. Turleiar Ellen B Sjøgren

Dugnadshelg i Torvedalen 22.-23. juni 2018

Hyttetilsynet hadde dugnad i Torvedalen med helga. Vasking og rydding. Sengetøy vart skifta, maling og masse anna arbeid av smått og stort vart utført. Brua i Kvitanosdalen vart sett ut. Tidlegare vart brua i Torvedalselvi sett ut.

Velkomne til fjells!!

(Foto Oddvar Drevsjø)

Dugnad på Volahytta og Tvinnestølen 15.-17.juni 2018

Hyttetilsynet på dugnad.

(foto K. Østrem)

Klikk her for å skrive tekst.

Skirstølen – Lundarholmen – Flodvikane 06.06.2018

Me var 31 som starta ved Fredheim. Me køyrde opp til Skirstølen.Herifrå gjekk me i roleg tempo i lett stigning innover mot Lundarholmen. Me tok ein god pause her. Me gjekk vidare opp til Fuglavarden ca 750 moh herifrå gjekk me ned til stølen Flodvikane ved Hamlagrøvatnet. Ein flott kveldstur! Ein takk til Turleiarane Mons Lunde og Arne Djukastein. Fleire foto her. ​​​​​​​

Turleiar Oddvar Drevsjø

Teigarappjane 30.05.2018

Me var 20 som starta ved Fredheim, me køyrde opp til saga ved Hjelle. Me gjekk forbi stølen Hindartveit og vidare inn mot Teigarapjane. Me gjekk på brua over elva Maksam og vidare over steinbrua i Ulvaskardselva, herifrå gjekk me opp til Gjellestølen. Her fekk dei som hadde stølsturhefte eit klypp. Me tok ein god pause her, før me gjekk opp på eit utkikkspunkt oppom stølen, me gjekk attende same vegen. Fleire bilete her
Tekst / turleiar Oddvar Drevsjø

Opptur for 8-klassingane i jubileumsåret  2018.

Den 21. januar 1868 vart Den Norske Turistforening skipa. ”Alle” kjenner den raude T-en. Voss Utferdslag vart skipa 14. august 1933. I 2018 skal me feira ”Opptur” for 10. gong. For dei som likar å vera ute i naturen har Utferdslaget eir rikt turprogram for friluftsliv. Eit aktivt uteliv er positivt, og gjev ungdommen ei god oppleving. I dag er me i Voss Utferdslag takksamme og ikkje minst veldig stolte over å vera ein del av dette. Gjennom desse 10 åra med Opptur, har det vore ca 2000 8-klassingar som har fått teke del i sosialt samvær, naturopplevingar og fysisk aktivitet. Ruta til Hanguren vart i år lagt om. Stinettet frå Mølster er stengt for all ferdsel. Me bussa frå Holbergsplass til Tråstølen. Takk til Voss Resort, som spanderte bussturen på oss. Gåturen over Hanguren og ned til Hangursrestauranten gjekk veldig bra, me kom og meir samla ned til mat og drikkepause.  I pausen vart det utdeling av pengepremiar til dei tre beste klassane i konkurransen, allmennkunnskap, i natur/dyre- og fugleliv samt fyrstehjelp.

Fyrste premie gjekk til klasse 8F, dei fekk med seg 3000 kroner på konto. Andre premie fekk klasse 8A og 2000 kroner. Tredje premien gjekk til 8D, dei fekk med seg 1000 kr. Alle klassane var frå Voss Ungdomskule. Turen innover fjellet gjekk så det susar, ved vegskilje i Gråurdsdalen tok me oss ned mot Raugstad. Vegen heim gjekk litt her og litt der.

Veret denne dagen kan me ikkje klaga på etter ein lang og kald vinter. Godt det ikkje var nokon som fekk heteslag. Varmt var det heile dagen!  Mange av 8-klassingane fekk kjøla seg ned på den eine snøfonna som var på Hanguren. Dagen vart ein flott opplevelse for dei fleste, trur eg!

Takk for turen, til alle som var med oss, på 10-årsmarkeringa for ”Opptur”.

Helsing

Bjørn Grande

Turen til To 23. mai 2018

Me var 24 som starta ved Fasteland i Teigdalen på turen til To.

Me fekk snart merka varmen når me begynte på bakkane opp til To, me gjekk i roleg tempo, og tok jamlege pausar opp bakkane. Etter ca 1 time var me oppe på To, (her er det 2 bruk) Me tok ein god pause her oppe til me fekk sjå solnedgangen frå To. Etter at sola gjekk ned tok me fatt på nedstigninga til Fasteland.

Oddvar Drevsjø

Finse - Maurset 13. mai 2018

Fleire bilete her 

Grauaåsen 9. mai 2018

Raundalsrekkja 6. mai 

Ein liten gjeng trossa været og håpte inderleg at værmeldinga med sin lovnad om lettare skydekke, og endåtil litt sol, utpå dagen skulle slå til.  Det viste seg dessverre at skodda vart liggand langt nede, attpåtil servert saman med regn og vind. Det som skulle verte ein lang og flott tur over Raundalsrekkja vart til ein heller kort tur – til om lag 900 moh der me møtte skoddehavet. Turen vart likevel ein fin luftetur i spannande og utfordrande vårsnøforhold. Ein dag for vekselvis av og på med ski, og testing av diverse snøbruer. Takk til fylgjet for sporty turinnsats og alle smil til tross!

Sykkeldag 6. mai

Sykkelglade store og små kosa seg på tur i Bømoen denne dagen. 


Svartaberget – Skjevlingen 2. mai

Me var 17 som møtte opp ved Fredheim i kveld, me køyrde til saga på Kyte. Me gjekk ca 100m til me kom innpå den gamle Raundalsvegen som me fylgde til Svartaberget, Svartaberget var tidlegare ein husmannsplass. Me fylgde stien vidare opp til me kom opp til vegen som går opp til stølen Skjevlingen. Me fylgde denne opp til stølen,  den siste biten gjekk me på snø. Frå Skjevlingen hadde me eit vidt utsyn over bygda. Me fylgde stølsvegen heile vegen ned saga ved Kyte.
Oddvar Drevsjø

Grindaflet 27. - 29. april 

Vi var berre 6 personar på tur denne helga, 2 turleiarar og 4 deltakarar, men for ein tur det vart! Supert føre og mykje bra vêr. Sundagen vart jo aldeles strålande!

Vi gjekk inn til Grindaflet fredag etter jobb. Vêret var litt ymse, men då vi kom opp på Stangahøgdi fekk vi eit utruleg flott lys og ein flott kveldshimmel. Humøret vårt steig óg, for no var det meste av oppstiginga unnagjort. Vi kom fram til hytta litt før kl 22, og då kasta vi oss rett på lapskausen. Nydeleg!

På laurdag heldt ikkje Yr heilt det dei hadde lova. Skodda hang tjukk over dagens mål, Flenjaeggi. Vi la uansett i veg i håp om at skodda skulle lette. På eit punkt måtte vi fram med GPS-en, men elles hadde vi ikkje noko problem med å finne eggi sitt høgste punkt, Flenjabrostet 1532 moh. Då vi satte oss ned for å ta oss ein matpause, sprakk skodda opp, og vi fekk flott utsikt over dei næraste toppane og dalane. Vi fortsatte til Nybotnfjellet, 1425 moh, men derfrå valde alle å snu og gå tilbake til hytta. Vi fekk eit fantastisk nedrenn til hytta, skoddelaget sprakk opp att, og vi fekk flott utsikt ned mot hytta og fjella i vest. Denne kvelden vart det ein 3-rettars middag med suppe, laks og fruktcocktail.

Sundagen vakna vi til -8 og strålande sol. Føret var ubeskriveleg flott. Vi kunne sette utfor over alt, og det var perfekte forhald for å øve seg på telemarksvingen. Fantastisk og nydeleg var ord som vart gjentatt mange gonger. Vi gjekk inn Såteskaret og fortsatte inn Vetle Såtedalen. Der trakk vi opp til topp 1385, vi fortsatte til topp 1430, og vi avslutta med Kaldanuten, 1437 moh. Vi køyrde ned nokre renner til Stangahøgdi, og så satte vi kursen mot bilane på Fyre. Takk for ei fantastisk flott helg! Turleiarar odil Atterås / Kjersti Vik.

Fleire bilete her



Voss Sogelag og Voss Utferdslag på tur til Bolstad 28.04.2018

Me var 20 som møtte opp på jernbanestasjonen på Bolstad i dag, der Kjartan Rødland som omvisar på turen fortalde om gamle stamvegen, og brua over elva som vart bygd i 1910. Vidare fortalte Kjartan om postgarden og om laksefiske i Bolstadelva. Me gjekk vidare mot bedehuset der me hadde ein stopp ved huset der Kjartan bur. Der me fekk høyre om historia til huset, laksen på trappehella, og om minnesteinen av tidlegare eigarar. 

Me gjekk vidare mot fjorden bort til bedehuset og gravplassen, her er  flott utsikt utover Bolstadfjorden. Me fekk me historia om bedehuset på Bolstad, og om tyskarar ved Hyvingstunellen som kom mot Bolstad og fyrte av ei salve mot land der bedehuset står. Det vart kulehol i altertavla. Ein kan sjå kuleholet under venstre armen til  Jesus på den gamle altertavla.  Eit av turbileta syner dette.

Me fekk kaffi og kaker i kjellaren og her vart det fortalt om tømmerfløyting frå Vosso og Strandaelva og vidare ned til Bolstad. Om flåten som vart bygd i 1998, der dei henta tømmer ved Vanjolo og frakta vassvegen ned til Bolstad, og vidare rodd til Salhus. Me gjekk bort til flåtemuseet og fekk sjå flåten, det er ein svær og tung flåte som står der.
Me takkar Kjartan Rødland og Vassvøri Sogelag for at dei tok i mot oss.
Voss Sogelag og Voss Utferdslag.
Oddvar Drevsjø


Temakveld om stølsdrift i Voss 25.04.2018

Det vart etterkvart litt trangt om plassen under temakvelden om Stølar i Voss. Om lag 160 personar var samla og fekk gleda av å høyre om stølsdrift i tidlegare tider fram til slik ein driv idag. Sjur Hirth Nesheim og John Almeland stod for underhaldninga med mange gode forteljingar om kvardagslivet på stølen. Kvelden vart avslutta med ein smak av stølslivet med heimelaga stølskost og spekemat frå Voss Kjøt. Kvelden baud og på ei flott overrasking frå Voss Sparebank då dei overrekte Voss Utferdslag ei pengegåve til omvøla av bruer i stinettverket vårt. Hjarteleg takk for bidraget! Takk til alle som var med – me vonar de kosa dykk!

Turen Seim- Lydvo – Taulen – Heggjavad -Seim 25.04.2.18


Me var 16 som møtte opp på den litt regntunge ettermiddagen. Me parkerte ved Sylvsmidja og gjekk forbi Lydvaloftet og opp til Lydvo. Me gjekk vidare opp til Oppheim og vidare opp til Taulen, her hadde me ein lengre pause, turen gjekk vidare bort til Heggjavad, med flott utsikt utover bygda. Herifrå gekk me ned forbi Raudstad og Brekke, og vidare nedover seimsfeltet til Sylvsmidja der bilane var parkert.
Oddvar Drevsjø

Bryn 18.04.2018

Me var 11 som gjekk turen om Bryn denne flotte ettermiddagen.
Turen gjekk i frå Fredheim, vidare opp Industrivegen, og opp til fellesfjøset på Lid, herifrå gjekk me opp til Øvre Lid. Me gjekk vidare ned forbi tuna på Bryn til Bordalsvegen og ned att til Fredheim.
Oddvar Drevsjø

Øyastølfjellet og Fyresnipa 15.04.2018

Ti personar starta ut på Nosi med Øyastølsfjellet og Fyresnipa som mål. I sakte tempo gjekk me langt og høgt, der utsikta over lag på lag med fjell i alle retningar vart eit mektig syn. Den solrike dagen vart etter kvart svært så varm og god, så bare armar og legger fekk årets fyrste solstråler. Ein solbrun gjeng ytra seg strålande fornøgde då me samla oss til ein velfortjent is på butikken til slutt. Takk for turen alle saman. Fleire bliete her

Grønestad - Vending - Flatafjell - Tjørnadalen 08.04.18

Fire aldrande menn med stort mot og lett sinn, la i veg på tur i mildver og regn. Me ville alle ut og oppleva våren i fjellet. Starten gjekk frå Grønestad. Det var berre såvidt snølaget på Hamlagrøvatnet heldt oss over vassørpa som låg på isen. Me gjekk som planlagt oppover Nystølsdalen til Vending. Matpausen tok me inne i hytta. På veg mot Søyasete letta veret litt og det vart ikkje så flatt lys lenger. Me var mest åleine i fjellet, men me såg og høyrde ryper over alt. Attende på Hamlagrøvatnet kom skodda sigande. Etter ei grei oppteljing av alle deltakarane, kryssa me isen og gjekk opp til bilen. Fleire bilete her.

Det vart ei fin oppleveing for alle fire i fjellet.


Mykkeltveitveten 18. mars 2018

Endeleg, endeleg, endeleg……kom vi oss opp på Mykkeltveitveten. På sjette forsøk klarte vi det. Og for ein dag og for ein tur. Strålande sol, skyfri himmel og nesten vindstille. 19 smilande turdeltakarar la i veg frå parkeringsplassen på Nore Hamlagrø. Turen opp til Kvanngjeli gjekk i roleg tempo. Undervegs orienterte Anders Skjerveggen om naturen og fjella rundt oss og det same gjorde han om stølshistorien rundt Lonana. Etter matpause i solveggen ved Lonaselet byrja vi turen mot toppen av Veten. Føret var vekslande, men mot toppen var det delvis hardt og avblåse. Alle turdeltakarane takla det harde føret veldig godt. Alle var godt nøgde med å ha gjennomført turen i fin stil.

Ein fantastisk dag i fjellet!

Tekst Olav Sognnæs

Torvedalen 13. -14. mars 2018

Fin tilsynstur i Torvedalen. Godt ver og godt skiføre.  Velkomne til fjells i finveret!

Anna, Magnhild og Sverre


Ospehaugen - Fyrjo 14. mars 2018 

Vermeldinga for dagen var kanskje ikkje heilt bra, men veret vart berre betre og betre utover dagen. For dei 15 turdeltakarane vart det ei framifrå turoppleving. Skiføret var svært bra, eit godt lag med turr og lett snø over eit hardt underlag. Drøymeføre - ei flott nedskriing frå Flatafjellet til Fyrjo er eit av fleire gode minne frå turen. Matpausen tok vi veggen til eit sel på Fyrjo. Heilt vindstille og god varme frå sola gjorde at ingen trong noko på nevane under matpausen. Ein minnerik tur frå eit flott natur- og turområde.

Kristian Østrem

Tverrbotnnuten 11. mars 

Vi var 8 personar som la i veg frå Nosi og innover Breidalen. Vêret var overraskande bra, og sola braut delvis gjennom skylaget. Vi var optimistiske, og lenge såg det bra ut. Men, etterkvart vart det meir og meir blindeføre, og vi visste ikkje om det gjekk oppover eller nedover. Vi bestemte oss uansett for å fortsette til toppen, men brått vart vêret overraskande dårleg. Det byrja å snø ganske tett, og det blas opp. Det blei mykje dårlegare enn meldt. Vi var nesten på Smørbotnnuten, fortoppen til Tverrbotnnuten, men vi bestemte oss for å snu her. Det blei ein spennande nedfart. Vi såg verken konturar eller snøkvalitet, så det var ikkje med stil vi køyrde nedover fjellsida. Då vi kom ned att til Breidalen braut skydekket opp, og vi såg konturane att. No kunne vi stake oss tilbake til bilane. Vi var uansett alle einige om at det hadde vore ein fin og kjekk tur. Takk for turen! Tekst : Bodil Atterås 

Skamdalshorgi rundt 7.mars 2018

11 var med på onsdagsturen rundt Skamdalshorgi, veret frå starten på Bulko overskya -2 og litt trekk, seinare sløra sol og snø. Turen gjennomført etter programmet, over Grønnlivatnet til Horgaset for mat og kvila ein halvtime - etterkvart med vind og snødrev så det var godt å få varmen opp vidare i kupert lende til Krokavatnet og retur til bilane. Fin utedag saman med kjekke turdeltakarar med godt humør og passe prat utan skade. Retur Vangen kl. 16. Turleiarar: Bjarne Fosse og Tove Fadne

Bordalsfjella 4. mars 2018

12 deltakarar møtte fram for å delta på turen. Været var bra, gløtt av sol men litt vindfullt på toppen.Turen gjekk frå Rong, via Trappafjellet, Hanselavatnet og opp på Tinden (980 MOH). Ved Hanselavatnet hadde me matpause. Heimatt gjekk turen nedover mot stølane på Helgaset, og derifrå følgde me stølsvegen via Allmenningane til Rong. Meir bilete her

Turleiarar Arne Brakestad / Astrid Såkvitne

Fullmånetur 1. mars 2018 

 Det var 5 stk som vart dratt ut av fullmånen denne kvelden. Heldigvis var det ingen varulv i Fenno-området. Me fekk sett stjerner, ein klår og stor måne, nokre andre hodelykt-turgåer på fjellsider rundt omkring i bygda, og nokre av oss meinte at me såg Tesla-mannen  køyre bil i det interstellare rom. :) 

Alle hadde glemt "månekremen" men heldigvis ble det ikkje meldt noko månebrannskade... berre masse glede med skogspudder 😊 Takk for turen!" 

( tekst / foto: Jean-Christophe Scouarnec / Nina Høyland ) 

Herresleite 28.02.2018

Fyrste seniorturen for året vart ein heller kald affere, i to siffer minusgrader og iskald austavind, la dei 6 fram møtte i veg frå Herresleitet og innover ei nyprepparert løype i Herresåsen. Etter kvart som sola kom høgare på himmelen vart det retteleg fint å gå, men temperaturen gjorde det ikkje freistande å setja seg ned for å eta nista, så turen vart gjenomført berre med korte stopp ved skilta med stadnamna, for litt opplysningar om bakggrunnen for namna. Bjarne tok ein "snarveg" tilbake til myra der varmehytta står og då me kom der hadde han fyrt godt i omnen og det vart ei triveleg stund med nistepakke og termos før me skrei ned att til parkeringsplassen. Som så mange skulestilar avslutta med, "alle var samde om at det hadde vore ein triveleg tur" gjalt og denne gongen! Turleiarane takkar for turen. ( Tekst / foto: Arne Hauso / Bjarne Fosse)

Foto: Bjarne Fosse, Voss Utferdslag

Skamdalshorgi.   25. februar 2018

15 deltakarar hadde møtt fram for å delta på turen. Veret var nokonlunde og vart betre og betre utover dagen, vindstille og det vart etterkvart varmt i sola. Turen gjekk greit gjenom hyttefeltet på Bulko,over Grønlivatnet og til Horgaset. Føret var godt ”blåføre”. I gjela forbi Horgaset hadde me ein lengre pause der det vart servert ”jubileumskake”. Etter å ha runda Skamdalshorgi fekk me fine nedrenne til Krokavatnet som me kryssa på veg tilbake til bilane.  Fleire bilete her. 

Turen vart gjenomførd utan negative hendelsar av noko slag.  


Svolefjell 18. februar 2018

Referat etter turen den 18. februar som skulle gå til Svolefjellet.

10 deltakarar hadde møtt fram for å delta på turen. Veret var nokonlunde, men med ein del skoddedottar og lågt skydekke. Turen gjekk greit utetter Årmotslia, sjølv om mange sleit med klabb i nysnøen. Her kom joleljoset til Bodil og glideren til Rune til god nytte. Etterkvart som me nerma oss Gråsteinane vart det tyngre å brøyta, og sikten dårlegare. Etter ein god matpause her, fortsette me mot toppen. Då me kom opp på høgdene ved Vasstjørnane vart sikten så dårleg at me bestemde oss for avbryta der. Turen tilbake til Helgatun gjekk leikande lett i nysnøen.

Turen vart gjenomførd utan negative hendelsar av noko slag. 

Kaldavass – Vassfjøra, 2. -4. februar - 2018


Vi var 7 personar som la i veg frå Upsete stasjon på fredags kveld - under ein utruleg flott stjernehimmel. Endå flottare vart det då månen kom fram! Heldigvis for oss 7, så hadde 2 av deltakarane gått til hytta tidlegare på dagen. Hytta var god og varm, toalettet var spadd fram, og suppa stod og putra på ovnen då vi kom fram rundt kl 2230. På laurdagen var det tidleg opp. Vi skulle på Vassfjøra. Det var kaldt! Føret var heller trått, men vi kom oss greitt opp til toppen. Der tok vi oss tid til å nyte utsikta. For eit skue! På vegen tilbake til hytta ivra fleire for å gå på Øykjafonn, og slik vart det. Ein liten delegasjon gjekk tilbake til hytta og gjorde klar middagen. Ungarsk gulasjsuppe gjorde stor suksess i fjellheimen. Sundag var ny turdag med nye toppar: Trollanut og Fossdalsskavlen. Dei sprekaste fekk med seg Bleienuten óg. Her fekk vi utsikt andre vegen. Med sol og klarvêr kunne vi sjå heilt til Hurrungane. Nedrennet ned Breidalen vart ikkje så bra som vi hadde håpa på. Brottskare og fokksnø gjorde det vanskeleg, og det vart knall og fall på dei fleste av oss. Men, alle var einige om at det hadde vore ei flott helg med flotte turar! Takk for turen! Fleire bilete her. Helsing turleiarane Bodil Atterås og Frode Atterås. 

Topptur og Skredfarevurdering 27.- 28. jan

Etter  teorikurs tidlegare i veka var det dags for å praktisere det ein hadde fått innføring i. Ei innhaldsrik helg i Breidalen med mykje vær venta denne gjengen i helga. Med utfordrande snøforhold var læringsutbyttet desto større. 
Meir foto her 

Kvålsdalen 14. januar 2018

Sju glade sjeler møtte opp med forventningar om ein vindfull tur opp gjennom Kvålsdalen til Torfinnsheim. Det var klart, fint ver med hardt, godt føre oppover bakkane. Vi såg mange ryper opp mot Kvålsdalen, elles var vi ganske åleine i fjellheimen. - Men vinden som var meldt kom aldri. Det var heilt vindstille på Torfinnsheim med eit par kalde grader. Turen gjekk i eit roleg, jamnt tempo og vi brukte ikkje stort meir enn tre timar på heile skituren. Nedturen gjekk greitt på litt vekslande føre. Alle kom glade ned med eit smil rundt munnen. Tekst Olav Sognnæs/Bilete Astrid Såkvitne

Reflekstur og eventyrstund i skogen 21.11.2017

Tusen takk for turen alle saman! Eg talde 110 store og små som var med på tur inn i skogen for å finne vegen igjennom refleksløypa og høyre på spanande eventyr om troll. Takk til Astrid Sudmann og hennar forteljarkunst. 

Mjølfjell 2. november 2017

Brua over Raundalselva, frå Mjølfjell til Urdlandsstølen, er no teke inn for vinteren.

Torvedalen 20. - 22. oktober 2017

Bruene i Kvitanosdalen og Torvedalselvi er tekne inn for sesongen. Hyttene er klargjort for vinteren. Velkomne til fjells.

Beste helsing Hyttetilsynet.

Volahytta / Tvinnestølen 22.10.2017

Bruene er tekne inn og haustdugnad på hyttene utført denne helga. Velkomen til fjells og nyoppinnreda hytter. Helsing hyttestyra!

Klikk her for å skrive tekst.

Kyte - Raudkjeldo 18.oktober 2017

Seniorgruppa avslutta sesongen med tur frå Kyte til Raudkjelda. 22 deltakarar var med på turen i fint haustver med skyfri himmel, ikkje vind og lufttemperatur frå minus om morgonen til 10 plusgrader utpå dagen. Lydar Veum og Gunnar Gjerme, lokalkjende og heimehøyrande på Kyte, viste meir enn vegen me skulle gå. Gamle Raundalsvegen var ferdslevegen frå Voss mot Rundalen før det vart bygt veg i Rastalia på 1700 - 1800 tallet. Huset på plassen Svartaberget står, at det vart vurderte bygging av sanatorium før Harastølen kom vart sagt men ikkje dokumentert. Vidare gravrøyser langs vegen før stølen på Måset, ikkje hus her lenger. Raudkjelda var endepunkt, men i dag var den ikkje raud noko regnet i haust fekk skulda for. Matpausen på Skjevlingen vart lang i fina veret, Ugla i grantretoppen fylgde med på kva som gjekk føre seg. Retur gamle stølsvegen, her vart det demo av Røvovn, fangstmåte for rev, og vidare til bilane langs Svinåni. Deler av Kong Sverres saga vart gått gjennom av Lydar, mest det som skjedde i Kyte - Raundalen, han hadde set spor etter seg. Takk til turleiarane Lydar Veum og Gunnar Gjerme for ein kjekk turdag med masse kultur til. Turleiar / tekst : Bjarne Fosse.  Meir bilete her

Grindaflethytta 08.10.2017

Bruene på rutene Ljosandbotn, Upsete og Flåm til Grindaflethytta er nå tekne ned. På ruta Fyre til hytta er det ikkje bruer, slik at hytta er tilgjengeleg og open.

Friskus i friluft, september - oktober 2017

Er eit samarbeid mellom Voss jeger og fiskarlag og Voss Utferdslag, der målet var å lage eit aktivitetstilbod for ungdom gjennom introduksjon til friluftslivet. Det er eit kurs der den einskilde skal lære nok til å være rusta til å være aktiv ute på eigehand.

Tidleg i september møttes ein gjeng på 11 deltakarar for fyrste gong. 4 jenter og 7 gutar var klar for nokre dagar med lærdom og sosialt samvær. På planen stod innføring i basis friluftsliv i løpet av fire deler, gjennom turar i skog og fjell, fiske i elv og vatn, bruk av kart og kompass, og lage mat i det fri.  

Friskusgjengen er no ferdig med kurset sitt. Me har gått tur, lært om DNT og naturforvaltning. Ein aktiv gjeng, som ser ut til å trivast svært godt med å være ute, har møtt trufast opp. Me laga mat på bål, fiska, lært å lese kart og å bruke kompass. Litt regn og snø har ikkje stoppa engasjementet. Og me har padla, laga norsk og syrisk mat på bål, lært å planlegge tur og leika.

Siste gongen var me saman ein heil dag og tok turen til eit snøkledd Vikafjell og Sendedalen. Her vart det øving på å ta ut kurs, lese terreng, kartteikn og det å finne fram. Ved Lars-Ola vatnet laga me pannekaker, fiska litt og fekk høyre Magne fortelle sannsoger frå området.

Gjennom å møte kvarandre fleire gonger, over lengre tid, er nye venskap oppstått. På tvers av alder, kjønn og nasjonalitet – og me kan trygt sei at vårt håp om at det skulle bli lærerikt og sosialt på fleire måtar gjekk i oppfylling. Me vil takke for ei flott tid med ein positiv og glad gjeng. " Me vil på tur igjen!". "Når kan me gjere dette igjen?" var avsluttings kommentarane siste dagen – det gler oss å høyre.

Takk og til Voss vidaregåande skule for utlån av utstyr og elevane Trygve, Fredrik, Agnete, Hedda, Johanne, Endre, Lasse og Aleksander for god hjelp! Meir bileteher 

Magne Sørestrand og Toril Hunnålvatn

Såto / Fennastølane. 8. oktober

Sundagstur med Voss Utferdslag 8.oktober, til Såto/Fennastølane. 13 personar var med på denne turen. Olav Knapstad var med oss som kjentmann og turleiar. Me starta frå Vangen i tjukk skodde. Då me forlot bilane i Glenno, var det sol og ikkje ei sky på himmelen. Fyrste pause tok me på Opelandsstølen. Flott utsikt til fjella, men skodda låg tjukk under oss. Anna Istad formidla historie frå denne stølen og nærområde. Me fekk og koma inn i stølshuset og sjå, der gamal stil var godt ivareteken. Så gjekk me vidare gjennom fin gamal bjørkeskog, og neste stopp var Lyingaskarvet ( - ikkje Lyningaskarvet ). Fantastisk utsikt, men framleis skodde under oss. Turen gjekk så til Storesåto, høgaste punktet på turen, 935 m.o.h. På veg dit vart det observert hjort som for springande. Her var flott utsikt i alle retningar, og skodda hadde letta nede i bygda og.Turen gjekk så tilbake om Fennastølane. Meir bilete her 

Takk for triveleg tur/lag!!! Kari Johanna

Bulko - Horgastølen - Lyklaset  4. oktober 2017

Det møtte opp 7 turdeltakarar sjølv om  det regna godt og det hadde det stort sett gjort denne veka. Det er berre å slå fast at blant desse finst det verken dårleg ver eller dårlege kler.

Til tider var det ufysleg, vatnet rann over alt og småbekkar var krevjande å forsera, med tett vadlasletta inn mot Horgastølen.  Hausten er komme.

Tur i dårleg ver med vått terreng er krevjande men og oppleving i naturen som er annleis enn i fint ver, noko å ha med seg det og.

Alle kom seg heile heim att takka vera kjekke deltakarar som hadde hjelpande hender der det trengst. Meir bilete her


Takk for fylgje frå turleiarane Anna Opeland Istad og Bjarne Fosse.

Afdal - Løyning - Staup 1. oktober 2017

Etter fleire dagar med regn var turleiarane spent på kor mange som ville møta opp til sundagsturen til stølane ovanfor Løno. Tidleg om morgon låg skydekket lågt over bygda, men skodda og skyene vart raskt lettare. Vi var åtte personar som la i veg til eit turområde som truleg er altfor lite brukt. Turen gjekk frå Høyland til stølen Løyning som er stølen til Bergo og Høyland. Her tok vi lunsjpausen. Stølen ligg over tregrensa og utsikten frå Løyning er utruleg flott. Vidare gjekk turen til stølane Breiming og Moldbakken. Her møtte vi på sauer og storfe av fleire rasar. Vi fekk ikkje ein dråpe med regn på oss og det var utruleg tørt i gras og lyng. Fleire gav uttrykk for at dei var overraska over kor store «flate» område det er over Løno.

Turleiar Kristian Østrem

Sveindalen 27.09.2017

19 personar var med på turen som starta frå Hodnaberg og følgde gamle kløvjavegen til stølane i Sveindalen.  Etter ein pause på på heime-stølen til Arne gjekk med vidare i lende mot Øyaset med god utsikt til stølar og hytter på nordsida av Hamlagrøvatnet, retur til bilane langs bilvegen til Sveindalsøyane. Veret var fint, lettskya og sol, frisk bris på utsette stader og god formidling om stølane av Arne. meir bilete her

Turleiarar var Arne Djukastein og Bjarne Fosse.


Berge - Evanger 24.9.17

Me vart 17 som starta frå Berge i strålande sol etter ein fin busstur over Hamlagrø. Fekk fort opp temperaturen opp dei bratte kneikane frå Øykjabotn.

Skya meir til utover dagen, men fin temperatur og ein svak austleg bris. Ved stølen i Vossedalen fekk me og sett ein liten flokk reinsdyr, ca 15. Turen gjekk greitt utan uhell og alle var nede ved bussen 15 min før tid-skjema, sjølv om nedstiginga på bratt grusveg var krevjande nok. Turleiarane, Olav og Audun,  takkar alle for at de vart med og gjorde dette til nok ein fin sundagstur i regi av Voss Utferdslag. Meir bilete her

Audun Hellevang