Vossamarsjen 1. september 2019.
Sundag 1. september arrangerer Voss Utferdslag Vossamarsjen. Turmarsjen går på den 20 km lange stien over Gråsida, eit høgfjellsplatå 1000 – 1350 moh omkransa av bratte skogkledde lier i nord og aust. Den mest kjende turistattrasjonen på turen er Timaglaset, ei stor steinblokk som balanserer på ein hjørnespiss.
Turmarsjen er utan tidtaking der ein kan konkurrera med seg sjølv og naboen, eller berre nyta turen og bruka dagen i eit fantastisk flott fjellområde. Turstart frå Hodnaberg, på den T-merka ruta via Torfinnsheim – Timaglaset – Gråsidetoppen –Roset, med målgang på Gjelle. Fjellandskapet ein går gjennom denne dagen er vilt, vakkert og varierande. Frå Hodnaberg gjennom bjørkelier, over lyng og snaufjell tilbake Voss. Høgfjellsmarsjen har 5 bemanna sjekkpunkt, men alle må sjølv ha godt med niste/drikke og kle i sekken.
Ved målpassering vert det varm mat og drikke til alle, og alle deltakarane får og Vossamarsj T-skjorta etter gjennomført tur. I tillegg vert flotte premiar trekt på startnummer.
Transport til startpunkt Hodnaberg frå Vangen, Holbergplass v/ park Hotel, med buss kl. 07.30 - 08.30 (tog frå Bergen inne kl 0809).
Retur buss frå Gjelle til Vangen, Holbergplass v / park hotel, kl. 17.00 - 19.00. ( Tog til Bergen kl. 17.40 , 18.39 ,og 19.37)
Startkontingent: Medlem / ikkje medlem: 300,- / 450,- ( born halv pris til og med 15 år) Ved påmelding og betaling på nett innan 28/8 kr. 50,- i rabatt.
