Sundagstur i Bergsdalsfjella

Turen i Bergsdalsfjella er ikkje mogeleg å gjennomføre grunna lite snø i lia opp frå Berge. Turleiarane har gått opp alternativ tur der det er gode snøforhold, og i fylgje YR.no kjem det nysnø laurdag, så då vert det supert føre. Planlagt tur går: 

Nordre Hamlagrø – Kvanngjelet - Hamlagrøhornet – Løva – Kinni – Lonaselet – Nordre Hamlagrø

Me møtes på Holbergsplass og fordeler oss på privatbilar. Avreise kl. 09.30. Alle bør nytta munnbind under bilturen.  Parkerer ved hyttefeltet på Nordre Hamlagrø og går opp Kvanngjelet til redningskjelken. Derifrå bratt stigning fyrste delen opp mot Hamlagrøhornet (1080 moh).  Flott unnarenn forbi Såta og ned til Løva (1034 moh) Derifrå nordover mot Kinni og vidare fine bakkar ned til Lonaselet. Frå Lonaselet vert det noko stigning oppover dalen til me er tilbake ved redningskjelken, og kan skri ned Kvanngjelet og tilbake til bilane. 

Middels tung tur. Distanse ca. 17 km og totalt 800 høgdemeter.   Reknar med å vera attende på Vangen ca. 17.00 – 17.30. 
Turdeltakarane betalar 100,- til sjåfør. 

Påmelding på nett eller direkte til turleiarane: 
 

Audun Hellevang 952 88 833  / Olav Sognnæs 917 87 485